Links & ImagesMusayev Səfyar Bəylər oğlu (d. 1935, Nərimanlı, Basarkeçər rayonu, Ermənistan SSR — ö. 1999, Bakı, Azərbaycan) — azərbaycanlı tarixçi-alim, tarix elmləri doktoru, professor, Azərbaycan Respublikası Milli Məclisinin I çağırış deputatı, Yeni Azərbaycan Partiyasının (YAP) təsisçilərindən biri.
Həyatı və təhsili
Səfyar Bəylər oğlu Musayev 1935-ci ildə Qərbi Azərbaycanın Göyçə mahalının Basarkeçər rayonunun Nərimanlı (Hüseynquluağalı) kəndində anadan olmuşdur.
1953-cü ildə orta məktəbi qızıl medalla bitirmişdir.
1953–1958-ci illərdə Bakı Dövlət Universitetinin (BDU) Tarix fakültəsində ali təhsil almış və fərqlənmə diplomu ilə başa vurmuşdur.
1962-ci ildə BDU-nun Tarix fakültəsində aspiranturaya daxil olmuş, bununla da Nərimanlı kənd tarixində ilk aspirant adını qazanan iki şəxsdən biri olmuşdur.
Elmi dərəcələri və elmi adları:
1965: Tarix üzrə fəlsəfə doktoru (tarix elmləri namizədi) elmi dərəcəsini almışdır.
1980: Tarix elmləri doktoru elmi dərəcəsinə layiq görülmüşdür.
1981: Professor elmi adını almışdır.
Elmi-pedaqoji fəaliyyəti və əsərləri
1958–1960: Basarkeçər rayonunun Çaxırlı kənd orta məktəbində tarix müəllimi kimi pedaqoji fəaliyyətə başlamışdır.
1960–1962: "Sovet Ermənistanı" qəzetinin Basarkeçər rayonu üzrə bölgə müxbiri işləmişdir.
1986–1999: Rəhbərliyi ilə BDU-da Humanitar fakültələr üzrə yaradılmış Siyasi tarix kafedrasının müdiri seçilmiş və ömrünün sonunadək bu vəzifədə çalışmışdır.
Professor Səfyar Musayev 400-dən çox elmi əsərin, o cümlədən 6 monoqrafiya və 10 kitabın müəllifidir. 1991-ci ildə respublikamızda ilk dəfə olaraq ali məktəb tələbələri üçün fundamental xarakterli “Siyasi tarix” dərsliyini çap etdirmişdir. 1998-ci ildə işıq üzü görən bu dərsliyin ikinci cildi təhsil sistemində siyasi fənlərin tədrisindəki boşluğun aradan qaldırılmasında mühüm rol oynamışdır.
Onun elmi rəhbərliyi ilə 30-dan çox dissertant və doktorant fəlsəfə və elmlər doktoru elmi dərəcəsi almışdır.
Siyasi və dövlətçilik fəaliyyəti
1992-ci ildə Yeni Azərbaycan Partiyasının (YAP) yaradıcılarından biri olmuşdur.
12 noyabr 1995-ci ildə 74 saylı Goranboy-Naftalan seçki dairəsindən Azərbaycan Respublikası Milli Məclisinin deputatı seçilmişdir.
Milli Məclisin İnsan hüquqları daimi komissiyasının, həmçinin MDB Parlament Assambleyasında Sosial siyasət və insan hüquqları daimi komissiyasının sədri vəzifələrində çalışmışdır.
12 noyabr 1995-ci ildə referendum yolu ilə qəbul olunmuş müstəqil Azərbaycan Respublikasının ilk Konstitusiyasını hazırlayan Konstitusiya Komissiyasının üzvü olmuşdur.
Şəxsi həyatı, vəfatı və xatirəsi
Görkəmli ictimai xadim Səfyar Musayev 1999-cu ildə vəfat etmiş və Bakı şəhərində I Fəxri Xiyabanda dəfn olunmuşdur. 2010-cu ildə anadan olmasının 75 illik yubileyi dövlət səviyyəsində təntənəli şəkildə qeyd olunmuşdur. 5 övladı var.Keywords##SəfyarMusayev #MusayevSəfyar #Göyçə #Basarkeçər #Nərimanlı #TarixElmləriDoktoru #Professor #MilliMəclis #Deputat #YAP #FəxriXiyaban #BDU #GöyçəZiyalıları #Alimlərimiz
