Əlavə Şəkillər, LinklərŞamoyev Səfxan Novruz oğlu
(28 iyul 1938, Göyçə mahalı, Basarkeçər rayonu, Daşkənd kəndi — 6 iyun 2022, Bakı)
Alim, fizika-riyaziyyat elmləri namizədi, dosent, ehtiyatda olan kapitan. "Azərbaycan SSR qabaqcıl maarif xadimi"dir.
Həyatı və Təhsili
Səfxan Şamoyev 28 iyul 1938-ci ildə Göyçə mahalının Basarkeçər rayonunun Daşkənd kəndində anadan olmuşdur. İlk təhsilini Daşkənd kənd orta məktəbində almışdır.
Ali təhsilini H.Zərdabi adına Kirovabad Pedaqoji İnstitutunun (indiki GDU) Fizika-riyaziyyat fakültəsində tamamlamışdır. Elm yolunu davam etdirərək Azərbaycan Respublikası Elmlər Akademiyasının Riyaziyyat və Mexanika İnstitutunda elmi tədqiqatlar aparmışdır. Dissertasiya işini uğurla müdafiə edərək fizika-riyaziyyat elmləri namizədi elmi dərəcəsini və dosent elmi adını almışdır.
Əmək və Elmi-Pedaqoji Fəaliyyəti
S.Şamoyev pedaqoji fəaliyyətinə ilkin olaraq Kirovabad (Gəncə) şəhər 42 nömrəli orta məktəbdə başlamış, burada göstərdiyi səmərəli xidmətlərinə görə 30 mart 1973-cü ildə “Azərbaycan SSR qabaqcıl maarif xadimi” döş nişanı ilə təltif edilmişdir. O, həmçinin fəaliyyəti dövründə bir neçə dəfə (1974, 1975, 1976-cı illərdə) “Sosializm yarışının qalibi” mükafatlarına layiq görülmüşdür.
Daha sonra elmi-pedaqoji fəaliyyətini Azərbaycan Texnologiya Universitetində (UTECA) dosent kimi davam etdirmişdir. O, həmçinin Gəncə şəhər İcra Hakimiyyətinin Memarlıq və Şəhərsalma İdarəsində də çalışmışdır.
Alimin riyazi modelləşdirmə, bazar iqtisadiyyatının tələbləri və iqtisadiyyat elminin müxtəlif problemlərinə həsr olunmuş dəyərli elmi əsərləri, məqalələri və metodiki göstərişləri Bakı, Gəncə, Kutaisi və Moskva kimi şəhərlərin tanınmış elmi nəşrlərində işıq üzü görmüşdür.
Tanınmış alim 6 iyun 2022-ci ildə Bakı şəhərində vəfat etmişdir.
Ailəsi
Ailəli olmuşdur. Anası Xırda xanım, həyat yoldaşı Həqiqət xanımdır. Səbuhi adlı bir oğlu və Sevda adlı bir qızı yadigar qalıb.Açar Sözlər#ŞamoyevSəfxan #SəfxanŞamoyev #Göyçə #Basarkeçər #Daşkənd #DaşkəndKəndi #Gəncə #FizikaRiyaziyyat #RiyaziyyatElmləri #Dosent #AzərbaycanTexnoloqiyaİnstitutu #MaarifXadimi #GöyçəZiyalıları #Alimlərimiz #VəfatEdənlər
