Əlavə Şəkillər, LinklərBayramov Şahin Qənbər oğlu 1963-cü ildə Nərimanlı (Hüseynquluağalı) kəndində anadan olub və həmin kəndin orta məktəbini bitirib. 1981-ci ildə Bakı Dövlət Universitetinin (BDU) Fizika fakültəsinə qəbul olub, 1986-cı ildə oranı fərqlənmə (qırmızı) diplomu ilə başa vurub. 1986–1988-ci illərdə Azərbaycan Elmlər Akademiyasının Əkinçilik İnstitutunda kiçik elmi işçi vəzifəsində çalışıb. 1988–1992-ci illərdə Moskva vilayətinin Puşşino şəhərində SSRİ EA Biofizika İnstitutunda aspirantura təhsili alıb. 1992-ci ildə dissertasiya müdafiə edərək biofizika üzrə fəlsəfə doktoru (elmlər namizədi) elmi dərəcəsinə layiq görülüb. 1992–2018-ci illərdə Azərbaycan Tibb Universitetinin (ATU) Bioloji kimya kafedrasında assistent, baş müəllim və dosent vəzifələrində işləyib. O, ATU-da Elektron İmtahan Sisteminin əsasını qoyub, 2011–2019-cu illərdə ATU-nun Virtual Test Mərkəzinin direktoru vəzifəsində çalışıb. 2019–2024-cü illərdə isə Azərbaycan Tibb Universitetinin Bioloji fizika kafedrasının müdiri olub. Amerika Birləşmiş Ştatlarının və Azərbaycan Biofiziklər Cəmiyyətlərinin üzvü olan dosent Şahin Bayramov 80 elmi əsərin və 6 kitabın müəllifidir. 2014-cü ildə Azərbaycan Respublikasının Prezidenti yanında Elmin İnkişafı Fondunun biofizika üzrə qrant müsabiqəsinin qalibi olub. Elmi fəaliyyəti ilə yanaşı, bədii yaradıcılığa da maraq göstərib, müxtəlif mövzularda əsərlər yazıb. Şahin Bayramov 2024-cü ildə vəfat edib, Abşeron rayonunun Mehdiabad qəbiristanlığında dəfn olunub. Üç övladı var.Açar Sözlər#Şahin Bayramov#Şahin Qənbər oğlu Bayramov#Dosent Şahin Bayramov#Nərimanlı kəndi#Hüseynquluağalı kəndi#Göyçə mahalı#Basarkeçər#Azərbaycan Tibb Universiteti#ATU#Bioloji fizika kafedrası#Virtual Test Mərkəzi#biofizika üzrə fəlsəfə doktoru#Bakı Dövlət Universiteti#Azərbaycan alimləri#biofizik#Nərimanlı ziyalıları
