Əlavə Şəkillər, LinklərQədimova Natəvan Səfər qızı
(1962, Basarkeçər rayonu, Nərimanlı kəndi)
Qida texnologiyaları və biotexnologiya üzrə alim, texnika elmləri doktoru, dosent. Azərbaycan Dövlət İqtisad Universitetinin (UNEC) Mühəndislik və tətbiqi elmlər kafedrasının dosentidir.
Həyatı və Təhsili
Natəvan Qədimova 1962-ci ildə Qərbi Azərbaycanın Göyçə mahalının Basarkeçər rayonunun Nərimanlı (Hüseynquluağalı) kəndində anadan olmuşdur.
Orta təhsili: 1979-cu ildə Bakı şəhəri 36 saylı orta məktəbi fərqlənmə ilə bitirmişdir.
Ali təhsili: 1980-ci ildə S. M. Kirov adına Azərbaycan Dövlət Universitetinin (indiki BDU) Biologiya fakültəsinə qəbul olmuş, 1985-ci ildə fərqlənmə diplomu ilə başa vurmuşdur.
Aspirantura: 1987-ci ildə Rusiya Federasiyasının Moskva şəhərində qiyabi aspiranturaya qəbul olmuş və 1993-cü ildə dissertasiya müdafiə etmişdir.
Doktorantura (Dissertantura): 2018–2023-cü illərdə Azərbaycan Dövlət Aqrar Universitetinin qiyabi dissertantı olmuş, 2025-ci ildə "Bitki mənşəli bioloji fəal əlavələrin tətbiqi ilə içkilərin texnologiyasının təkmilləşdirilməsi" mövzusunda doktorluq dissertasiyasını müdafiə etmişdir.
Elmi Dərəcəsi və Elmi Adı:
Elmi dərəcəsi:
1993: "Ət, süd və balıq məhsullarının texnologiyası" ixtisası üzrə texnika üzrə fəlsəfə doktoru (texnika elmləri namizədi);
2026: "Qida məhsullarının texnologiyası" ixtisası üzrə texnika elmləri doktoru.
Elmi adı:
2008: Azərbaycan Respublikasının Prezidenti yanında Ali Attestasiya Komissiyasının qərarı ilə Dosent.
Əmək və Elmi-Pedaqoji Fəaliyyəti
Natəvan Qədimova qida sənayesi texnologiyası, pedaqoqika və elmi tədqiqatlar sahəsində zəngin təcrübəyə malikdir:
1985–1995: Ümumittifaq Ət-Süd Sənayesi Elmi-Tədqiqat İnstitutunun Bakı şöbəsində mühəndis-texnoloq, kiçik elmi işçi və elmi işçi vəzifələrində çalışmışdır.
1995–2003: Bakı Yeyinti Sənayesi Texnikumunda müəllim və əyani şöbənin müdiri vəzifələrində çalışmışdır.
2003–2020-ci illər: Azərbaycan Dövlət İqtisad Universitetinin "Ət, balıq və süd məhsullarının texnologiyası" kafedrasında baş müəllim, dosent əvəzi və dosent kimi pedaqoji fəaliyyət göstərmişdir.
Hazırda: Azərbaycan Dövlət İqtisad Universitetinin (UNEC) "Mühəndislik və tətbiqi elmlər" kafedrasının dosenti vəzifəsində çalışır.
Elmi Nailiyyətləri və Əsərləri
Natəvan Qədimova qida məhsullarının texnologiyası, qida təhlükəsizliyi, qida biotexnologiyası, bioloji fəal əlavələr, habelə tullantısız və aztullantılı istehsalat texnologiyaları sahəsində tanınmış mütəxəssisdir.
Ümumilikdə 160-a qədər elmi əsərin, o cümlədən 6 dərslik, 3 dərs vəsaiti, 29 fənn proqramı və 3 şəhadətnamənin müəllifidir.
Elmi işlərindən 22-si beynəlxalq xülasələndirmə və indeksləmə sistemlərinə daxil olan nüfuzlu xarici elmi jurnallarda (Web of Science, Scopus) nəşr edilmişdir.
İctimai Fəaliyyəti və Ailəsi
Yeni Azərbaycan Partiyasının (YAP) üzvüdür. Ailəlidir, 2 övladı var.Açar Sözlər##NatəvanQədimova #QədimovaNatəvan #Göyçə #Basarkeçər #Nərimanlı #TexnikaElmləriDoktoru #Dosent #UNEC #QidaTexnologiyası #BDU #QidaTəhlükəsizliyi #GöyçəZiyalıları #Alimlərimiz
