Əlavə Şəkillər, LinklərAğayev Fərid Hacı oğlu 1954-cü ildə Nərimanlı (Hüseynquluağalı) kəndində anadan olub və həmin kəndin orta məktəbində təhsil alıb. 1976-cı ildə Azərbaycan Dövlət Neft və Sənaye Universitetinin (o vaxtkı Azərbaycan Neft və Kimya İnstitutu) İstehsalat proseslərinin avtomatlaşdırılması fakültəsini fərqlənmə diplomu ilə bitirib. 1981-ci ildə aspiranturanı başa vurduqdan sonra 1982-ci ildə assistent, 1992-ci ildə isə dosent vəzifəsinə seçilib. 1992-ci ildə dissertasiya işini müdafiə edərək texnika üzrə fəlsəfə doktoru elmi dərəcəsinə layiq görülüb. 2016–2021-ci illərdə Elektronika və avtomatika kafedrasının müdiri vəzifəsində işləyib. 2021-ci ildən Azərbaycan Dövlət Neft və Sənaye Universitetinin (ADNSU) İnformasiya texnologiyaları və idarəetmə fakültəsinin dekanı vəzifəsində çalışır. Dosent Fərid Ağayev 2 monoqrafiya, 15 dərslik, 4 müəlliflik şəhadətnaməsi və patent, həmçinin 140-dan çox elmi əsərin müəllifidir. Onun əsas elmi nəticəsi dəyişən cərəyan siqnallarının parametrlərinin universal çeviricisinin işlənməsidir. Elmi rəhbərliyi ilə bir nəfər fəlsəfə doktoru elmi dərəcəsi alıb. O, Ekoenergetika Akademiyasının, ADNSU-nun Böyük Elmi Şurasının və beş universitetin Akkreditasiya komissiyasının üzvü, Fakültə Elmi Şurasının sədri və Təhsildə Keyfiyyət Təminatı Agentliyinin (TKTA/AKTA) ekspertidir. Azərbaycan Respublikası Prezidentinin sərəncamı ilə “Tərəqqi” medalı, həmçinin “ADNSU-nun 100 illiyi” yubiley medalı və Dövlət İmtahan Mərkəzinin (DİM) 20 illiyi ilə bağlı Fəxri fərmanla təltif olunub. Ailəlidir, dörd övladı var.Açar Sözlər#Fərid Ağayev#Fərid Hacı oğlu Ağayev#Dosent Fərid Ağayev#Nərimanlı kəndi#Hüseynquluağalı kəndi#Göyçə mahalı#Basarkeçər#ADNSU#Azərbaycan Dövlət Neft və Sənaye Universiteti#İnformasiya texnologiyaları və idarəetmə fakültəsi#texnika üzrə fəlsəfə doktoru#Tərəqqi medalı#Azərbaycan alimləri#elektroni̇ka və avtomatika#Ekoenergetika Akademiyası#dekan#Nərimanlı ziyalıları
