Əlavə Şəkillər, LinklərAslanova Əminə Rasim qızı 1978-ci ildə Bakı şəhərində anadan olub. 2000-ci ildə Bakı Dövlət Universitetinin (BDU) Fizika fakültəsində ali təhsil alıb. 2002-ci ildə magistratura, 2007-ci ildə isə doktorantura pilləsini başa vurub. Bərk cisimlər fizikası və elektronikası ixtisası üzrə dissertasiya müdafiə edərək 2016-cı ildə fizika üzrə fəlsəfə doktoru elmi dərəcəsinə layiq görülüb. 2007-ci ildən Bakı Dövlət Universitetinin Fiziki elektronika kafedrasında müəllim vəzifəsində çalışır. Əminə Aslanova 1 dərs vəsaitinin, 70-dən artıq elmi məqalə və tezisin müəllifidir. Əsas elmi nəticələri: Əhatə olunduğu mühitin istilik enerjisini elektrik enerjisinə çevirən, ƏES-li MYK əsaslı “Yeni növ alternativ cərəyan mənbəyi” ixtira edib. ƏES-li real MYK üçün “İkiölçülü energetik quruluş modeli” yaradıb və “Xarakterik cərəyan axını mexanizmi”ni müəyyən edib. Real MYK-nın termoelektrik, fotoelektrik, tenzoelektrik, elektrofiziki və digər xassələrinin kontaktın formasından, həndəsi ölçülərindən və konstruktiv-texnoloji parametrlərdən asılılıqlarının elmi əsaslarını işləyib hazırlayıb. Ailəlidir, iki övladı var.Açar Sözlər#Əminə Aslanova#Əminə Rasim qızı Aslanova#Bakı Dövlət Universiteti#BDU#Fiziki elektronika kafedrası#fizika üzrə fəlsəfə doktoru#bərk cisimlər fizikası#alternativ cərəyan mənbəyi#Azərbaycan alimləri#qadın alimlər#elmi məqalələr#fizika müəllimi
