Əlavə Şəkillər, LinklərQuliyeva Aysel Nizami qızı 28 iyun 1986-cı ildə Ağdam şəhərində anadan olmuşdur. Ata yurdu Göyçə mahalıdır.
Bakı şəhəri, Nərimanov rayonu M. Şəhriyar adına 193 saylı orta məktəbdə təhsil almış, 9-cu sinifdən Binəqədi rayonu R. Əliyev adına 3 saylı orta məktəbdə oxumuşdur.
Ali təhsilini Azərbaycan Dövlət Pedaqoji Universitetində almış, magistratura təhsilini də həmin universitetdə başa vurmuşdur. Aspirantura təhsilini AMİ-də (indiki Azərbaycan Dövlət Pedaqoji Universiteti) keçmişdir.
İxtisası Azərbaycan dili və ədəbiyyat müəllimliyi, elm sahəsi isə filologiyadır.
Əmək fəaliyyətinə Bakı Qızlar Universitetində başlamış, 2010–2012-ci illərdə laborant, tyutor və müəllim vəzifələrində çalışmışdır. 2019-cu ildən etibarən Azərbaycan Turizm və Menecment Universitetində müəllim kimi fəaliyyət göstərir. Hazırda həmin universitetdə müəllim vəzifəsində çalışır.
Filologiya üzrə fəlsəfə doktorudur və dosent əvəzidir.
Elmi fəaliyyətində 14 elmi məqalənin müəllifidir.
Anasının adı Fatmadır. Həyat yoldaşı İmrandır. Bir oğlu (Turan), iki qızı (Gülər və Ülkər) vardır.Açar Sözlər#Aysel Quliyeva#filologiya#Azərbaycan dili və ədəbiyyat#AMİ#ADPU#ATMU#müəllim#filologiya üzrə fəlsəfə doktoru#Qərbi Azərbaycan#Basarkeçər#Kiçik Məzrə#Bala Məzrə#Alimlər
