Əlavə Şəkillər, LinklərBağırov Abbas Əli oğlu (Abbas Göyçəgöl) Abbas Əli oğlu Bağırov — tanınmış həkim, tibb üzrə fəlsəfə doktoru, I Qarabağ müharibəsi veteranı, şair-tədqiqatçı və Azərbaycan Yazıçılar Birliyinin üzvüdür. Həyatı və təhsili 1971-ci ildə Göyçə mahalının Basarkeçər rayonunun Nərimanlı (Hüseynquluağalı) kəndində anadan olmuş və həmin kənd orta məktəbini bitirmişdir. İlk ali təhsili: 1988–1993-cü illərdə Azərbaycan Tibb Universitetinin Əczaçılıq fakültəsində oxumuş, provizor ixtisasına yiyələnmişdir. İkinci ali təhsili: 1998–2003-cü illərdə “Odlar Yurdu” Universitetinin Tibb fakültəsində təhsil alaraq həkim-terapevt ixtisasını almışdır. Təhsil illərində könüllü olaraq I Qarabağ müharibəsində iştirak etmiş, döyüş bölgəsində yaralılara tibbi yardım göstərmişdir. I Qarabağ müharibəsi veteranıdır. Elmi və peşəkar fəaliyyəti 2011-ci ildə dissertasiya işini müvəffəqiyyətlə müdafiə edərək tibb üzrə fəlsəfə doktoru elmi dərəcəsini almışdır. 2 monoqrafiya, 2 kitab və 50-dən çox elmi əsərin müəllifidir; bir patent və müəlliflik şəhadətnaməsinə malikdir. Əsas elmi nailiyyətlərindən biri hipotenziv dərman maddələrinin təsirində monoaminlərin kəmiyyət göstəriciləri arasındakı qanunauyğunluqların öyrənilməsidir. Respublika və beynəlxalq elmi qurumların üzvüdür. Azərbaycan Tibb Universiteti və Türkiyənin İstanbul Yeni Yüz Yıl Universitetində fəaliyyət göstərmişdir. Hazırda "Qələbə Tibb Mərkəzi" MMC-nin direktorudur. Ədəbi-bədii və tədqiqatçılıq fəaliyyəti Şair Bəhman Qarayevin yaradıcılığına mənəvi bağlılığı onun poeziya, din və irfan fəlsəfi düşüncələrinin formalaşmasında mühüm rol oynamışdır. İlk şeirlərini orta məktəb illərində yazmağa başlamış, 1995-ci ildən sonrakı dövrdə ədəbi yaradıcılığını "Abbas Göyçəgöl" təxəllüsü ilə davam etdirmişdir. Nəşr olunan kitabları: "Gəncədə Göyçəli Becanı gördüm" və "Nərimanlı – Hüseynquluağalı aşıqları və şairləri". Həmçinin "Böyük Nərimanlılar" silsiləsindən ibarət ikicildlik yeni kitabı çapa hazırlanır. Miskin Abdal, Ağ Aşıq, Aşıq Alı, Dədə Ələsgər və Bəhman Qarayevin irsini sistemli şəkildə tədqiq etmiş, onlar haqqında publisistik məqalələr qələmə almışdır. "Dədə Ələsgər Ocağı" İctimai Birliyinin "Dədə Ələsgər irsinin tədqiqi və təbliği" mərkəzinin direktorudur. Ailəlidir, üç övladı var.Açar Sözlər#Abbas Bağırov#Abbas Göyçəgöl#həkim#tibb üzrə fəlsəfə doktoru#terapevt#I Qarabağ müharibəsi veteranı#şair#tədqiqatçı#Azərbaycan Yazıçılar Birliyi#Göyçə mahalı#Basarkeçər#Nərimanlı kəndi#Dədə Ələsgər irsi.
